15.02.2026ರಿಂದ 21.02.2026ರ ತನಕದ ಹವಾಮಾನ ವರದಿ

15.02.2026ರಿಂದ 21.02.2026ರ ತನಕದ ಹವಾಮಾನ ವರದಿ :

ಕಾಸರಗೋಡು ಸೇರಿದಂತೆ ಕರ್ನಾಟಕ ರಾಜ್ಯದಾದ್ಯಂತ ಒಣ ಹವೆ ಮುಂದುವರಿಯಲಿದೆ.

ಇವತ್ತು 14.2.26ರಂದು ಸಂಜೆ ಮಲೆನಾಡು ಜಿಲ್ಲೆಗಳ ಅಲ್ಲಲ್ಲಿ ಮೋಡದ ವಾತಾವರಣ ಇದ್ದರೂ, ರಾತ್ರಿಯಾಗುತ್ತಿದ್ದಂತೆಯೇ ಮೋಡಗಳು ಕರಗಿ ಸ್ವಚ್ಛ ಆಗಬಹುದು.

15.2.26ರಿಂದ ಒಣ ಹವೆ ಮುಂದುವರಿದರೂ ವಾರದ ಕೊನೆಯಲ್ಲಿ 19 ಅಥವಾ 20ನೇ ತಾರೀಕಿನಿಂದ ಕರಾವಳಿ, ಮಲೆನಾಡು ಹಾಗೂ ದಕ್ಷಿಣ ಒಳನಾಡು ಜಿಲ್ಲೆಗಳ ಅಲ್ಲಲ್ಲಿ ಮೋಡದ ವಾತಾವರಣದ ಸಾಧ್ಯತೆಗಳಿವೆ. ಜೊತೆಗೆ ಛಳಿಯ ಪ್ರಮಾಣವು ಕಡಿಮೆಯಾಗಲಿದೆ. 

 ಮುಂದಿನ ವಾರದ 22,23 ರಂದು ದಕ್ಷಿಣ ಒಳನಾಡು, ಮಲೆನಾಡು ಹಾಗೂ ಕರಾವಳಿ ಜಿಲ್ಲೆಗಳ ಅಲ್ಲಲ್ಲಿ ಮಳೆಯ ಮುನ್ಸೂಚನೆ ಇದೆ. 

ಬಂಗಾಳಕೂಲ್ಲಿಯ ಶ್ರೀಲಂಕಾ ಆಗ್ನೇಯ ಕರಾವಳಿಯಲ್ಲಿ ಫೆಬ್ರುವರಿ 17 ಅಥವಾ 18ರಂದು ಉಂಟಾಗುವ ವಾಯುಭಾರ ಕುಸಿತವು ಅಲ್ಲಿಂದ ಪಶ್ಚಿಮಾಭಿಮುಖವಾಗಿ ಚಲಿಸುವ ಲಕ್ಷಣಗಳಿವೆ. ಇದರ ಪರಿಣಾಮದಿಂದ ಸುಮಾರು ಫೆಬ್ರುವರಿ 19, 20ರಂದು ರಾಜ್ಯದ ಅಲ್ಲಲ್ಲಿ ಮೋಡ ಹಾಗೂ ದಕ್ಷಿಣ ಒಳನಾಡು, ಮಲೆನಾಡು ಹಾಗೂ ಕರಾವಳಿ ಜಿಲ್ಲೆಗಳಲ್ಲಿ ಅಲ್ಲಲ್ಲಿ ಮಳೆಯ ಮುನ್ಸೂಚನೆ ಇದೆ. 

ಇದರೊಂದಿಗೆ ಉತ್ತರ ಸುಮಾತ್ರದ ಉತ್ತರ ಕರಾವಳಿಯಲ್ಲಿ ಇನ್ನೊಂದು ವಾಯುಭಾರ ಕುಸಿತ ಉಂಟಾಗುವ ಲಕ್ಷಣಗಳಿದ್ದು, ಚಲಿಸುವ ಪಥವನ್ನು ಕಾದು ನೋಡಬೇಕಾಗಿದೆ. 

ಇದರೊಂದಿಗೆ ರಾಜ್ಯದಲ್ಲಿ ಛಳಿಯ ಪ್ರಮಾಣವೂ ಕಡಿಮೆಯಾಗಿ ದಿನದ ಹಗಲಿನ ಉಷ್ಣಾಂಶ ಏರಿಕೆಯಾಗುವ ಸಾಧ್ಯತೆಗಳಿವೆ.